Tras décadas de investigacións, a ciencia conseguiu dar cunha alternativa viable e legal aos ventres de alugueiro, un logro extraordinario que supón a solución a crises demográficas e económicas e a realización dun soño para moitas persoas. Con todo, esta promesa de perpetuación longamente desexada non é máis que un espellismo tenebroso que vén acompañado de consecuencias imprevisibles.
Na súa esperada terceira novela, Gema Nieto sitúa a acción nun futuro próximo para falarnos dunha discriminación coñecida que adopta novos disfraces, da explotación de seres inocentes, do acoso escolar, da manipulación mediática, do sempre difícil proceso na formación da identidade e das inseguridades, complexos e medos que poden dar lugar a comportamentos opresores.
Porque, aínda que o contexto cambie, os seres humanos seguiremos tropezando sempre nas mesmas pedras a través da nosa procura por coñecer que nos determina e fainos ser quen son: a educación, os prexuízos, os condicionantes xenéticos ou as presións familiares e sociais.